أبو نعناعة بقلمي عبدالله رجب ابوعدنان
أبو نعناعة بيضحك ف عز الألم
والطريحة طريحتين

يقول ويغني موال الهم

واللي حواليه سكرانين

عنده دايما الحل

ياما عيشنا ف دنيا الجهل

وم الوجع بنكح ونسل

وطحين البيت عدم

يسلسل معارضيه ربنا ياخد مننا ويديه

وف كل زمن فرعون ليه شبيه

وفيه اللي لسه بيعبد صنم

شد اللجام وسرع السرج

طيور الظلام بتهوي وتعرج

وياما ع المسرح بيتولد ألف مهرج

وياما مات ألف حلم

إحنا اللي صنعنا بعبعنا

ف كل خطوه ف طريقنا

ف البيت والغيط وحتى موتنا ضميرنا

اتخلينا عن دينا وبقينا زي العجم

أبو نعناعة رمز
لصورة جميلة تلز

وموال الصبر يتبروز

وكلاب كتير وعفرة وف الساحة

أبو نعناعة ف أيده كرباج بيسوق الغنم

اللي وقع م الخوف
واللي ع السلطه ملهوف

وم الخضه مات مكتوف

واللي ساكن برج ف منوف

واللي حولين همه بيطوف

وننام ونقوم

نلاقي نفسنا من غير هدوم

ونقول يآرب النعمه تدوم

وأبو نعناعة زي اللي قبله مش معصوم

وكون أنه يغني علينا

طبعاً دا كرم