خاص بالنصوص المميزة D. Hodaaabdo

كتب… خالد جمال….. يا فلسطين

Published by

Hodaaa

on

يا فلسطيني

ربك ربي ودينك ديني
ارضك عرضي صاينها ف عيني
زرعك مروي بمية نيلي
دقة قلبك نبض وتيني
دمك ده بيجري ف شراييني
ياللي بإسمك عالي جبيني
جرحك يابني واجعني كاويني
قلبي معاك وشقاك على عيني

يا فلسطيني

اصل الحق مسيره يعود
لو هيخطي جبال وسدود
لو بتموت ف عرينها اسود
مش هتحوشه نيران وبارود
يبقى الباطل مش موجود
عمر الظلم ما يوم بيسود
لو هيدوم لعصور وعهود
لو كان وجعه ماليك وماليني

يا فلسطيني

مهما يطول الليل هيعدي
فجرك راجع ورده مندي
بكره دموع العين هتولي
تلقى مرارك شهد محلي
بكره الفرح يجيب ما يخلي
راية النصر ف ايدنا تعلي
بكره هييجي اليوم ونصلي
جوه الأقصى فروضنا تملي
يهدى انينك ويا انيني

يا فلسطيني

بقلمي/ خالد جمال ١٥/١٠/٢٠٢٣

أضف تعليق

Previous Post
Next Post

Recent posts

Quote of the week

"People ask me what I do in the winter when there's no baseball. I'll tell you what I do. I stare out the window and wait for spring."

~ Rogers Hornsby

خاص بالنصوص المميزة D. Hodaaabdo

معلومات عنّا

A passionate baseball fan blog celebrating America's favorite pastime.

المواضيع

تابعنا

المدونة على ووردبريس.كوم.

تصميم موقع كهذا باستخدام ووردبريس.كوم
ابدأ