حلم الاحلام .. تاليف / ناصر يوسف عيسى

هات كتفك يا سى امام بسرعة اتسند عليه
وانام
علشان اغمض عينيه لحظه وابدل فى ذهنى
للاوهام
وده مش كتير على ده انا صابره معاك على
الايام
ونفسى اعدل المايله ولو حتى اعدلها فى
الاحلام
حياتنا طول عمرنا كانت بسيطة وكان كله تمام
التمام
اولادنا كانوا صغيرين وحنينين والجميع كده
بانسجام
ايه اللى غير وضعنا وبسببه كثر فى بيتنا
الكلام
ايه اللى خلى الشكوى زادت والخلاف بقى
ع الدوام
يمكن علشان مصاريفنا فاقت الحد وبسببه زاد
الملام
فيها ايه ياسيدى عدى مادام ده ساير على كل
العوام
وربك كبير ومسيره يهدى والاسعار تنزل وترجع
بانتظام
بس انت ادعى وقول يارب يمنع عننا اى كرب
ويعم السلام