لسه بَدرى
لسه بَدرى لسه عَدي لسه فاضل كام شهيد
غزة بِتنادىِ علينا وإحنا لسه ناس عبيد

كنتِ واحة الأمان كنت سَند المظلومين
مين إللى باعك مين إللى خان
مين إللى قالك إنسي عَهدك وإدي ضهرك للمنك
مين إللى اساكِ عليهم مين ياطيبه إللى خان

كل يوم ألف شهيد كل يوم فيه جديد
وإنتِ قفله البوبات وإنتِ مش سمعه الأهات
نسى عَهدك إللى فات وخده منهم تعليمات
نسى غزة اللى كانت حته منك إللى مات عشنها أبنك

فين ولادك فين وحوشك فين عزيزك إللى قال
بلدي واحة الأمان غزة منا وأحنا منها
غزة مش وقفه وحيده كله يفهم الكلام

لما هونتِ على العيال باعوا منك كام مكان
قبضوا فيكِ كام دولار ناس كتير طمعوا فيكِ
دفعوا فيكِ كام شوال
ولسه بدرى لسه عدي لسه ما خِلصش الكلام

لما هنتِ لما خنتِ
لما مات فيكِ العزيز وكمان فرحتي
طمعوا فيكِ إللي خانو
قالوا ما فيها عزيز إللى فيها ناس عبيد
نشتريها بكام شوال وَيا درهم وكام دولار
ولسه بدرى لسه عدى لسه فيكِ كام جبان

قومي وريني شدِ حِيلك لمي حواليكِ العيال
دوسي على كل إللى خَانك دوسي يالله على الجبان

لسه بدري بس إنتِ يالله قومي
فرصه جَتلك غزة بتقولك غثيني
حته منك بتناديكِ ‏حُطي إيدك على الزناد
‏إستعدي ‏لو شافوكِ مره قومتي
‏راح يموت فيكِ إللى باع وإللى خان والجبان
غزة ح ترجع تزغرت على البيبان
قدس ح ترجع زى ما رجعت زمان
وأرجع أغني للسلام
وأهتف الله وأكبر طيبه رجعت
زى ما كانت زمان زى ما كانت زمان


شعر
على أبوالسعود