هتندمي
يا دولة طاغيه
وكارهها كل الكون
يا سارقه باغيه
وكيان حقير مذموم
يا خلق ناسية
إن القيامه هتقوم
ياللي انتي وصمه
ف جبين زمن ملعون
هتندمي
على كل دمعة سكنت عيون
على كل اهه هزت سكون
على كل حر بات ف السجون
على كل طفل مات ف البطون
على كل روح ملاها الشجون
والله بكره لتندمي
لو كنتي فاكره طلقات رصاصك
هتمحي ف قلوبنا العزيمة
أو وهم ساكن جوه راسك
ان الأسود بتقبل هزيمة
أو لو شربنا من مر كاسك
هيقل من ثوارنا قيمه
والله تبقي بتحلمي
هتدفعي لينا التمن
على كل دم وسال هدر
هيعلمك بكره الزمن
ان الرجال ماتهاب خطر
هتشوفي ياما كتير الم
وهيبقى ليكي الويل قدر
هتكوني بكره من العدم
زي الغيام بعد المطر
ومالوش اثر
هتئيد شموعنا وتضلمي
حقك يا غزه بايدين ولادنا
راجع اكيد
مهرك يا غالية ارواح فدا
ودم ف وريد
يا عروسه باهيه بتميل كده
وصباحها عيد
وما بين أيدينا تتبسمي
بقلمي/ خالد جمال ٦/١١/٢٠٢٣
خاص بالنصوص المميزة
D. Hodaaabdo 
أضف تعليق