انت عمَّي
انت عمي وعم عمي
ف المَعَزَّه بعد امي
كل ناسي وحته مني
ده ف عروقك يجري دمي
لو يهل عليَّا طيفك
بلقى نفسي عليك بسَمًّي
بمشي يا بني وراك مغمي
لما اشوفك بنسى همي
بنسى ويلي وبسلى غمي
بنسى تعبي معاك وألمي
دانت درعي وقلبي سيفك
بتحاميلي وبيا محمي
ياللي قبلك باعني زمني
للجراح رخِّص ف تمني
ياما هنت عليه وظلمني
وإن شكيت الناس تلومني
خوف سنيني كان ساكني
بس من يوم ما التقيتك
بالغرام بددت خوفك
وف وجودك عادلي امني
كل حاجه فيكي حلوه
قلبك ده قلب من السما
مايشيلشي اسوه
كل الوجود والدنيا دي
جمبك ماتسوى
دايما معاكي بحس نفسي
ف وسط عزوه
عين الحسود فيها يابني عود
فيها الف حصوه
حبك ف قلبي
ده عشق ابدي
مش حب نزوه
ملكتي روحي
سكنتي نبضي
من نظره واحده
خدني ف ثواني
شوق السنين
نساني اسمي
سألوني عنه
قالوا يبقى مين
انا قلت عمي
بقلمي/ خالد جمال ٢٥/١١/٢٠٢٣
خاص بالنصوص المميزة
D. Hodaaabdo 
أضف تعليق