سيلفي اللحمه
والله نسيت طعم اللحمه
حد يفكرني بيها يا جدعان
كل اللي انا فاكره كانت طعمه
كت تصلب طولي لو انا هفتان
كانوا يسلقوهالي انا لما اعيا
وف قلب الشوربه تدوب دوبان
دلوقتي خلاص صبحت ازمه
صبحت اسطوره وكان ياما كان
ده زمان كان امله و شئ عظمه
انك تتصور مع فنان
الناس دلوقتي بقى مناها
لو تاخد سيلفي معاها كمان
كت ماليه زمان غدوه وعشوه
كت ركن اساسي من الأركان
كت ملو صينيه وكت حشوه
لرقاق جولاش بشاميل كمان
دلوقتي خلاص صابها القسوه
وبقينا نعاني من الحرمان
ربنا يهديكي يا روح قلبي
وتحني يا غاليه على الغلبان
بقلمي/ خالد جمال ٢٧/١١/٢٠٢٣
خاص بالنصوص المميزة
D. Hodaaabdo 
أضف تعليق