( الأصيلة والنكدي )

قال الشاعر :
……………
أنا على باله وطالة عينيه
طالع داخل تشويح بإيديه
لسانه فالت سيدنا البيه
مصاحب نكده وموصيه
زهقت منه بشخطة وفية
إهدى وروق ياضي عينيه
بالراحة عليا إقرا العيبة
صوتك عالي قوام وطيه
حسن طبعك إبقى راضيه
عمري ما كنت معاك نكدية
ساكته في حالي ومتربية
بشوف طلباتك متوصية
سامعة كلامك بروح رياضية
بالعيشة قنوعة بنفس رضية
في إيدك العصمة بيك محمية
تحلى أيامنا وتبقي هنية
أوعى مافيك يحوم حوالية
باقيه عليه موش ندمانة
بس أفعالك ما ليها نهاية
عقلي شت بقيت زعلانة
رحت لحالي وأنا طهقانة
كان يوماتي مانع الطلعة
محضر ليا دايما كدبة
يتصنع وقفة بإيده الرافعة
قلبى إتفرهد معنديش الجرئة
بس قلبي مليان حنية
كنت هسيبه كمان بخسارة
واخده همومي من غير زيطة
بهدي السر بس حويطة
شاغل بالي دايما في سؤاله
مايخصني فيه ويبقى حلاله
صاينة العشرة راضيةبأحواله
حافظة كرامتي شايفه أشغاله
حياتنا يكتب فيها رواية
بطولة لوحدي موش غلبانة
نفسي عفيفة معاه تعبانة
عملت بأصلي أهدي شيطانه
عملته حيله بدوار مرضانة
وقعت بطولي وسط الصالة
بعباية مبلولة ما أنا عرقانة
سبلت عيوني من دي الحالة
جابلي كولونيا بقيت عطسانة
خدني في حضنه ما أنا عميانة
روقت وفوقت من دي ملامة
راح مصالحني بهزار وشقاوة
……………………..
احمد الشريف حسين