أوعاك تمسح لحد كوخ
×××××××××××××
عمرى ما عرفتش في…………….. يوم أمسح لحد كوخ
ولا أركب فوق الكتاف ……… ولا بتشعلق ع الرفوف
ولا أطاطى عشان أوصل……. ….. بسرعة زى الصاروخ
ولا بطلب تكريم أو شهادة تقدير .ولا بطبل ع الدفوف
ولا برضى بالذل عشان…………… أشرب شراب الخوخ
ولا بمد إيدى حتى……… لو فركشت علي كل الصفوف
طول عمرى ماشى ………..بطريقى أرمم كل الشروخ
وبكتب زجل مرصوص…… وبشكله بالنقط وبالحروف
ولا بمسح وبر صوف ………….لبساه عظماء الشيوخ
ولا بيجرفنى سيل……… ولا بضيع فى وادى الجروف
والكرامة لبسة توبى………. وراسخة في القلب رسوخ
والحق راكب سفينتى………. والصبر عنوانى للظروف
ولا بذل نفسي ويا اللى مايساويش ومن أفعاله بدوخ
وعمرى ما خنت……………. ولا دبحت حد زى الخروف
ويا حسرة ع الرجال………… لما ترضخ لغيرها رضوخ
والأصيل بيحب الأصل……… وديما بيعمل ألمعروف
وبلاش تطبل وتهلل………… وخليك ديما كلك شموخ
وأرفع راسك ديما……… وبعملك أسمع صقفة الكفوف
أديب وشاعر مهندس/ محمد عوض
11/12/2023