حقك عليا (671)
………….
حقك عليا
كات غلطه السماح
سقيتك يا قلبي
كأس مر وجراح
خدعني بكلام الليل
وشوق قلبه وهيام العين
وأحاسيسه اللي
دابوا سنين
وفى صدره زرع قلبين
ورا وهم الغرام ومشيت
وحضنت الوجع ورضيت
أسهر له ليل الهوى
وفى ناره عشق ودوا
وأكدب وأقول حبيت
بين حلم الهيام في غرامه
ودموع الفراق وعذابه
كدبت العيون صدقته
وظنوني يا ريتني ما شوفته
وإزاى أنخدع بكلامه
ما صدقتش يا قلبي عتابك
وفتحت الهوى في غيابك
ونسيت إنت قافل بابك
من الخوف الطريق فيه شوك
لملمت الوجع ما بكيت
أستاهل أنا اللي جنيت
على حالي
لا دوقت لا هوى
ولا تنفعني لو ويا ريت
بقلم .. صبري رسلان
خاص بالنصوص المميزة
D. Hodaaabdo 
أضف تعليق