عيون بهيه
كدابين ياعيون بهيه
وش غش..ومتداريه
ترسم العشق الصبابه
والأغاني ع الربابه
وهي اخبث م الديابه
والحكايه هي ..هي..
كدابين ياعيون بهيه
…. ……..
ترسم القلب اللي حاير
والجميله ام الضفاير
عبت الحب في شكاير
والمصايب رايحه..جايه
كدابين ياعيون بهيه
….. ……
كل يوم تحكي في حكايه
مثلت فيها الضحيه
ثم تتضح الروايه..
انها بلوه..ورزيه
وعامله خايفه ومستحيه
كدابين ياعيون بهيه
….. ……
جامعه الف من الصحاب
يشترط..سن الشباب
اللي حاضر..واللي غاب..
واللي عاصي .. واللي تاب
واللي في كلامها المخادع
تاه وداب..صبح وعشيه
كدابين ياعيون بهيه
….. ……..
عايشه عايمه في الوضاعه
جسمها فرشاه بضاعه..
شكله صيني في الصناعه
باظ ..ولسه بلاوى جايه
قالعه طرحه وجلابيه..
كدابين ياعيون بهيه
….. …….
عامله فاهمه..وعبقريه
عامله ترعة مفهوميه
وهي اغبي م الغباوه..
كل يوم تلبس رزيه
كدابين يا عيون بهبه
…. ……
النهايه ..والخلاصه..
عينها تندب برصاصه
حبه توتو..حبه صاصا
راضعه لؤم بالوراثه
عاشقه بس اونطجيه
ربنا ياخد بهيه..
نستريح من قرفها..
ترجع العيشه السويه
هي دى كانت بهيه
ايوه هي اللي في بالكم
هي ..هي..
………………
شعر/نصر سيد بدر..القاهره
خاص بالنصوص المميزة
D. Hodaaabdo 
أضف تعليق