عذاب الروح (683)
……………..
مين باعك وفاتك
أشطبه من حياتك
وإدفن ذكرياتك
وما تندم عليه
غايب له سنين وجوده
وبتصدق زيف وعوده
شايفه بيعلى بسدوده
وبتكدب ليه عينيك
إعتبرة درس وراح
ليل دمع كله جراح
ياما حضني شوقه ناسيه
لا حاسيسنا بغرامه
ولا غيرته يوم لأحبابه
ولا همسه وعتابه
والحلم صعب ألاقيه
ياما دارينا فى وجعنا
وبننسى إنه باعنا
ونفكر تاني فيه
رايحه لناره بأيديه
شايفاه جنه فى عينيه
بضعف وبحن ليه
مش حب ده أناني
وإحساس مين كان مكاني
هكمل علشان ولادي
إن دوقت فراقه تاني
الناس هتلوم عليا
ويقولوا غدرت بيه
هكتم وجعي فى ضلوعي
وهعيش غربه رجوعي
على ليل صبر ودموعي
والناس وسهام كلامهم
وعذاب روحي اللي فيا
مع كل لمسه ليه
بقلم .. صبري رسلان
خاص بالنصوص المميزة
D. Hodaaabdo 
أضف تعليق