حظي وحظ أهل المنظرة
××××××××××××××××
عجنت حظي ………….عشان أسوية
لقيت حظي ……….عجينته متفرولة
ماينفعش أفرده …….فطيرة مشلتتة
ولا ينفعش اعمله كعك وشوية غريبة
ولا كمان أعمله كيكة حلوة متسنفجة
ويريت ينفع يكون رغيف…………. عيش أو حتى لقمة ملدنة
أصلي نسيت أضيف ………علية بقرش خميرة بيرة متكعبة
وفرني أنطفى ناره………….. وضاع واقيدي والجتة متكتكتة
شافوا حظي مصمصوا الشفايف… والدمع بالعيون متحجرة
حظي سمن سايح…. بأسفلت ساخن كبوه وبالعشا قالوا لموه
أختلط الأسفلت ويى السمن ……….وبرجول الناس فعصوه
من يوميها ضاع حظي ….وحظ مطربين المهرجانات نشلوه
وحظ أهل الفن والكورة …….أحسن عجين عملوه وطبخوه
وأضحك يازمان علي اللى….. عجينة حظه بالفرن متحروقة
واشهد يا تاريخ  الحظ مش.بشطارة أو بعلم أو حتى بفهلوة
الحظ رسالة مكتوبة من زمان ومرسومة لصاحبها بالمسطرة
بس هو يخلى باله ويبطل……… على الخلق تنطيط ومنظرة
أديب وشاعر مهندس /محمد عوض
3/5/2024