(انا السلطان) كامله
——
عشان بكره اللى مايجيشى
بعت وقولت مش فاض
عشان ياستى انا تعيشى
بلاش تبقى فيها القاضى
وتتشكى وتتحكى
تزيدى تعيدى فى المحكى
وفى الماضى
عشان داكله عا الفاضى
فارشلك كل عمري بساط
واقولك ياقمر خطي
تقومي تقلبيها عياط
تجيبي عليه وتحطي
مرار ايه اللي عايش فيه
احايل يوم ويوم اداديه
انا نابني ف عذابك ايه
لاكنتي المرسي ولا شطي
انا سايبلك الدفه
ياست الكل ياعفه
تقومى تعوجى الشفه
اقولك كلمه مش عارفه
ياستى دا الغرام مقامات
مش عادى وعدى وفات
يإما تظبطى الموازين
ياتقولى كان راجلنا ومات
لاانا عمرى ما اكون قاسى
ولا اكون حتى سى السيد
ولا صفحه فى كراسى
فيها كام غلطه تتأيد
دا انا السلطان،،،
انا السلطان طول مانتى
ست الدار
اولع نار دا لو إنتى
فلتى عيار
ياريت لاتقولى داعجز
هو انتى يعنى لسه شباب
دا المفروض انا اتعزز
ونبقى بعد عمر صحاب
تراضينى واراضيكى
واحطك فى حبابى العين
وادعى رب يهديكى
ياشيخه ونشوفولنا يومين
———–
(انا السلطان)
قصيده ل
يسرى محمد عثمان
الاُدباتى
خاص بالنصوص المميزة
D. Hodaaabdo 
أضف تعليق