عوده ضنا
ادعوا معايا بالقلوب
ادعوا معايا بالجوارح
يعود حبيبي البعيد
يعود ضنا عايش وحيد
ابني اللي فارق من سنين
ناسي ان ليه حضن دافي
حضن شاله وخاف عليه
حضن ضمه دون مقابل
حضن ام تصون تواسي
حضن زاح عنه المآسي
حضن الفرح لحظه نجاح
حضي البكا لحظه نواح
حضن عين سهرت مانامت
لحظه مرض تدعي الاله
تدعي يارب اشفي حبيبي ياريت يارب اكون فاداه
ياريت يعود ابن السنين
ياريت يعود كل الحياه
وجعني قلبي من الفراق
ادعو يارب لحظه لقاه
ارجع بقي وهات معاك
فرحه وضحكه ساعه لقاك
امسح دموعي حتي بلمسه ايد
ده يوم لقانا يابني هو يوم العيد
نفسي اجيلك مشي حتي لاخر الكون
بصرخ في حلمي وانادي
اشوفه مهما يكون
بتمني صوتي يعدي البحور يوصلك
يرجع يطمن قلبي يقولي ايه اللي حصلك
العمر يابني بيجري كل الساعات بتعدي
قادر تعيش ازاي كل السنين دي في بعدي
ادعي واقول يا رب
يشق قلبه الحب
واشوفه واقف جنبي ابني واخويا واب
حب الضنا مولود
حب الضنا موجود
حب الضنا موعود
حب الضنا في القلب
عوده ضنا
مجرد خاطر
بقلم ///
عماد سيد
الشاعر الطيب
خاص بالنصوص المميزة
D. Hodaaabdo 
أضف تعليق