(دايما منصورة)

   أنا عايشك يامصر وعيشاني.
   مولود قبل نصرك و شيفاني..
   واقف بدعيلك على بابك ،
   دايما منصورة و حمياني !!!!

  بكلمة الله أكبر فوق ترابك.
  سال دمي ودم كل أحبابك ..
  مسلم ومسيحي بتوب واحد،
  كانوا ياعروسة خطابك !!!!

  فداكي يامصر دا حضنك الدافي.
  لما بيحضنا بنقوم من الألم نتعافي..
  راح تفضلي عزيزة وحرة ياأمي،
  بشمسك الدهبي ونيلك الصافي !!!!

  ياصبية ع الخريطة قاهرة أعداءك.
  لا حد قدر يركبك ف يوم ولاساقك..
  ياما أتغنالك مواويل واتكتب فيكي،
  مين يقدر يهون عليه ساعة ف فراقك؟!!!

  كل ما أتغزل فيكي وامدح رجالك .
  بتقوى عزيمتي يا كبيرة مجالك..
  دا الأمان أنتي والسلام على أرضك،
  مين يقدر يعارضك ..أو يقطع وصالك ؟!!!

  أتعلمنا الدرس منك ف أنهيار بارليف.
  طلع العدو كداب لا له أسطورة ولا مخيف..
  بسم الله كانت أقوى واتقطع كما الرغيف…
  بكت جولدا وانهارت ببركة المعز اللطيف !!!!

  طارت نسورك ورايتك ترفرف تناديني .
  قوم ياعربي أفرح النصر زين مياديني ..
  رفعنا راسنا والدموع خاصمت مناديلي..
   الله عليكي يامصر ينصر دينك وديني !!!!
                                     بقلم.
                             فتحي ابو طاحون.
6/10/2024