الله عالحب

الله عالحب لما يجمع قلوب العاشقين
بيطّفي نار الشوق ويدوب عذاب الأنين

بيحلي طعم الحياة ويغير شكل السنين
و يملي الدنيا فرحة ولهفة وشوق وحنين

الله عليك ياحب لما تدخل مابين قلبين
تعطر لهم حياتهم بنسائم الورد والياسمين

تملي قلوبهم أمل لبكرة ولأجمل سنين جايين
تفرش لهم طريق الحب شموع وقلوب فرحانين

الله عالحب لما يدخل قلوبنا وأحنا مش دريانين
يتسلل من غير ما يسأل ولا نعرف دا ايه ولاّ مين

من غير ماندري بنحس بسعادة وفجأة تلمع العنين
وتسري في الجسم رعشة وفي لحظة تدفا الأيدين

أحساس غريب  بيخلي القلب فرحان  شجين
بيحرك فينا مشاعر وأحاسيس مانعرفش جت منين

يخلينا نقول كلام زي كلام قصص العاشقين
ونعمل حاجات غريبة  كأننا لسة عيال صغيرين

بجد الله عليك ياحب لما تلعب بقلوب العاشقين
بتملي الدنيا فرحة وتحلي طعم الحياة والسنين

كلمات/  أدهم عمر