خِلصت
في مرايتي واحد تاني
شايل همومي واحزاني
شارب مُرك يازماني
وما اتكلمت
~•~ ~•~ ~•~
انا راضي بالمقسوم
ضهري انحني م الهموم
مُر وعذاب كل يوم
يامه اتألمت
~•~ ~•~ ~•~
انا شعري شاب قبل الاوان
عيشتي وحياتي مع الاحزان
آخرتها ايه معاك يازمان
خلاص سلمت
~•~ ~•~ ~•~
انا ماضي عقد مع الاوجاع
اخ وحبيب الكل اهو باع
والعمر عدي عليا وضاع
وما اتعلمت
~•~ ~•~ ~•~
أيام وهي بتفوت
عايش مستني الموت
بصرخ وبدون أي صوت
حقيقي تعبت
~•~ ~•~ ~•~
آسف يانفسي خلاص
حرمت اكون حساس
مادومت برضي الناس
واخرتها زعلت
~•~ ~•~ ~•~
ياعيوني كفاكي دموع
عدي ومالوهش رجوع
وياقلبي اسكت ممنوع
تقولي تعبت
~•~ ~•~ ~•~
بلاش اندم ع الماضي
حياه وعدت ع الفاضي
أعيش واموت وانا راضي
وكدة خِلصت
~•~
بِن يونُس العريني