فاكر يابحر
ياتري لسة فاكر يابحر أيام لقانا زمان
ياما قعدنا علي شطك هنا في نفس المكان
أنا و أبويا وأمي واخواتي والجيران
نضحك ونلعب من غير تعب ولا زهقان
نقضي اليوم بطوله ويمكن الليل كمان
معانا أكلنا وشربنا وماحدش بيروح جعان
نبني بيوت علي رملتك من غير أساس ولا عمدان
وفي ثانية تيجي المية تهدها ولا كأن شئ كان
نرجع نبنيها تاني ونشوف مين فينا اللي كسبان
وقبل مانكمل بناها تاني يكون الشط كله غرقان
نسيبها وننزل نعوم ونلعب في ميتك بأمان
وأول مانشوف بتاع الفريسكا الكل يبتسم فرحان
ننسي المية واللي فيها ونجري عليه في جنان
نشتري اللي عايزينه ونقعد ناكلها بمزاج وروقان
والله أيام ما تتعوض ياريتك ترجع تاني يازمان
لكن نقول ايه السنين عدت ولا كان دا فالحسبان
راحوا اللي راحوا من الحبايب والأهل والخلان
ومافضلش غير أنا وأنت يابحر والذكريات والمكان
كلمات/ أدهم عمر
خاص بالنصوص المميزة
D. Hodaaabdo 
أضف تعليق