مصر ياناس..اكبر من اي كلام يتقال.
مصر 🇪🇬 فى القلب والعين ع الراس تتشال.
مصر فى عيون ولادها ..أغلى من الروح والمال.
مصر بتكبر بناسها عمالها وفلاحينها أن رحت يمين ولا شمال.
أوعى فى يوم تنسى انك مصرى.
صاحب التاريخ والهرم والنيل.
يامضفر الموال جدايل ع النخيل العتيق
انفض تراب الأزل من قوق تاريخنا العريق
واحكى حكاوى لزمن حطنا فى مضيق
لا خلى ضحكة لبشر ولا نفس ليها رفيق
احكى وشد الأمل لحد أخر الطريق
وان يوم خذلنا الزمن ..تاريخنا منه برئ.
انا فلاح..رميت فى الأرض بذرة
وغرزتها بصلابة.
وتلقانى طالع فى نسمة القيالة
الفن غنوتى واوتاره شريان حياتى وانوارة
باللحن طالع …باللحن راجع
واسمع حكايتي الليلادى
سنين وسنين كما السواقى تدور
سنين تودع يتيمة..وسنين تقطف زهور
باللحن طالع …باللحن راجع.
أيدى ماسكة ايدك..
نبنى …نعمر..نرد كيد الأعادى.
*********
محمد المصرى