وداع ام لابنتها العروس ليلة زواجها
——-
انا سايبه بابى مفتوح
تروحى وتيجى تلاقينى
قلبى فى بعادك مجروح
بُعدك ياغاليه على عينى

صابره وهاتونس بدموعى
الشوق بيقطع فى ضلوعى
باصرخ جوايا وبتألم
وباطفى بتنهيدى شموعى

وتاخدنى العبره وتألمنى
واناشايله مكانك ف الننى
حافرح لما اسمع اخبارك
والقانى مع دمعى باغنى

الريح بيهفهف حواليه
باعتالك وياه حنيه
سوًال انا اسالهولك
هاتغيبي ياروح قلبي عليه

الحيره وكتر الافكار
خلونى بين جنه ونار
بس إوعى تغيبى ولا تجيش
وتعلى بنا الاسوار

لوكان عا البعد ماتنسيش
لانا حاقدر اصبر ولا اعيش
لوكنتى ف حيره ياعيونى
حا صبر قلبى ولا تجيش

ويوم ماتجينى ابقى قولى لى
حافرش لك وردى وقناديلى
واسمى واصلى متين مره
وادندن واقول مواويلى

حافرش بساط السعاده اللى عندى
اجيب زمار اصله هندى
ماهوانتى جدورى واصولى وسندى
واعمل فرخه ورز مندي

راعيه يا غاليه وداري عليه
وحنني قلبه وأملي  عنيه
كل حاجاته يا غاليه اعملبها
لو قال ف مره آه حاتداويه

انا شايله عروستك فى دولابك
والننه وصورك وصحابك
شهاداتك كل سنين عمرك
وافرح بطفولتك وشبابك

وقسيمه و اجمل صورتين
دقة قلبى وضى العين
إوعى ياقلبى تبقى حزين
روحى جايه بعد يومين

يسري عثمان