*** مدعي الكبر ***
يا اللي شايف نفسك
تملي فوق الناس
لابس غرورك تاج
معشش فيه وسواس
واخدها ديما شطارة
ناسىي أن الدنيا دواره
واللي تسقيه لغيرك
بكرا تشربه م الكاس
زرعت بالكبر شوكك
وفاكره ليك الماس
جرح كل اللي عرفك
وانت ما فيك إحساس
ناسي المثل اللي قال
الجنة بلا ناس ما تنداس
اهو مال عليك الزمن
ونتف قوام ريشك
المال مال عنك
وما لاقي تجيب عيشك
وكل الخدم والحشم
راحو لناس غيرك
ابكي بقى ع اللي راح
واندم على فعل طيشك
الله يرحم زمان
كان البدن مفتول
نافش ع الكل ريشك
وعاملي فيها غول
واللي يفكر يضايقك
الرحمة تسبق موته
والصبح نلاقيه مقتول
الجتة صبحت بالية
وطفطف عليها الوجع
لا نافع فيها اطبة
ولا عافية ليك ترتجع
تشحت م الخلق نظرة
أو حتى بال يتخلع
فتسمع كلمة غريبة
عيني على دا الجدع
فين ألاضيشك فين حراسك
فين انصارك ويا ناسك
هربوا ليه وسابوك وحداني
ما قادر ترفع حتى راسك
ادعي لربك يمحي ذنوبك
طهر نفسك واغسل توبك
وقتها بس تطيب جروحك
وتصفى الناس وتنسى عيوبك
*************************
بقلم / مصطفى كرم
خاص بالنصوص المميزة
D. Hodaaabdo 
أضف تعليق