بس أعدى
نفسى أهاجر بس أعدى
مسكه فى ديلك عماله تجرى
وخدانى بحرى ووخدانى قبلى
مره شمال والتانيه يمين
طب أروح تانى معاكى على فين
مابقاش فيكي خلاص حنيه
طب براحه عليه شويه
خمسه سياحه نفسى فى خيرك
ولا حرام هو عليه
علشان أنا إبنك
بس لغيرى فتحاله حجرك
فتحه سجونك للى يحبك
وإللى بياكلك فتحاله صدرك
نفسى أهاجر نفسى أسيبك
أمشى خلاص
مبقاش فيكى أى خلاص
ولا إخلاص ولا إصلاح
بس سبينى بس سبينى
لو يوم جيتك
إبقي قوليلى مش من البيت
ندر عليه لو عديت
لا أنسى تاريخك وأنسى مكانك
وأنسى جرانك
وأنسى خريطه فيها عنوانك
بس أعدى أهرب منك
حتى ترابك فيه شئ منك
كلها أرض الله لو مت
وأنا بعيد ح أبقى خلصت
ح قابل ربي وأنا نضيف
لا فى يوم خنت ولا إتذليت
شعر
على ابو السعود
خاص بالنصوص المميزة
D. Hodaaabdo 
أضف تعليق