يا مواطن….يا مطحون
××××××××××××××
خليك يامطحون شايل…….. همومك وهاجج للمريخ
ملخبط شمالك ويي يمنك …ومتشعلق بالشخاشيخ
كُل زبالة وخليهم يفرموك….. ويشوووك على السيخ
واللى طحنينك نازلين ……فيك نهب ولعن وتوبيخ
سارقين قوتك وقوت …عيالك وأنت بتاكل بالزرنيخ
أرفع صوتك للعلالي…. وصوت وأصرخ باعلى صريخ
وبلاش تسكت على ظلمك .ولبخ في الكل أخر تلبيخ
وأشكم اللى نهبك وسرقك…. وطيح فيهم طاخ طيخ
خد حقك وماتخافش أصل ..كلامهم كله قرع وبطيخ
وخيرك في أيديهم…….. وأنت جواك مخوخ تتخويخ
خد حقك بدراعك …….وأفشخ التخين فيهم تفشيخ
ما تستسلمش وماتركبش….. قشاش وأركب صواريخ
كل حاجة قلبوها والعسل………. خلطوه ويي الفسيخ
لاعبهم زى ما بيلعبوك ….وأرمى عليهم كل الشماريخ
أوعاك تتوه فى الدنيا …..وتكبر وتعجز وكمان تشيخ
وتسيب لهم الحبل مرخى ويطبخوا ليك كل الطبيخ
ده انت زيك كتير اوعاك ترضى وتبقى من الملاطيخ
أديب وشاعر مهندس /محمد عوض
10/2/2023