خجول

بطوي الحنين على شوقي مكتّم
آجي ابوحلها خجلي بيتهجّم
ع الروح كده والخوف يتحكّم
انسى الكلام ولساني يتلجّم
خدني الغرام والقلب مسلّم

دي نجم ليل ف سمايا ببنجّم
دي طيف جميل ف القلب معلّم
قمر الزمان لو ليلي معتّم
بدوب يا ناس لو شفته مسهّم
الخصر عود وبتمشي تقسِّم
دي عيونها سود والوش مسمسم
ظالمه الخدود فيَّا بتتحكّم

خايف تضيع والاقيني بتندّم
بسأل قالولي وقفت مبلّم
الحق فيه حد عليها متكلم
دي مابدهاش دانا لازم اتكلم
رحتلها شفت عنيها بتسلم
ده يدوب ببص وعيني هتسلم
شاورتلي هُسّ إياك تتكلم
نطقِت بقلب جرئ متحكّم
دانا من زمان ليك قلبي مسلّم
من غير كلام حسّاك يا معلّم

بقلمي/ خالد جمال ١١/٦/٢٠٢٣