خالتى وخالتك واتفرقوا الخالات
×××××××××××××××××××××××
خالتى وخالتك ……………واتفرقوا الخالات
والدنيا مليانة بلاوي……….. وحكاوى وحكايات
وكمان فيها الخير ………والشر وحب الملاذات
فيها السعادة والحزن ………..والآنين والآهات
والحظ والعمر فيها ………..مكتوب بالسجلات
وقليل الأصل متوفر…….. ومعروف فيها بالذات
والطيب بيقولوا ……….علية بركة من البركات
والخبيث بيعرف ……….يتلون زى جلد الحيات
والنضيف ما بيعرف ……..يعيش بين القاذورات
والظالم بيحب الظلم………. كشرب سكر الشربات
وانا وأنت عايشين…. فى غابة من أدغال الغابات
الزمن إتبدل وأزى …..تعرف تستغل فيها الأزمات
والسقا عاش ومات…….. والكل عطشان أخلاقيات
والناس بتجرى ورا ………..حب المال والشهوات
والحلال والحرام خبوة…………. بعباية الأسلاميات
والأديان فى كفة………………. وأسلاموا فوبومات
والحروب طاحنة طمع…. وحقد وضحايا وأموات
وناس عايشة بالميغة وناس لايصة من كتر الطعنات
والحكاية لسة طويلة….. مطولة سنين من الألوفات
عمر الدنيا ما كانت …….فى وقت جنة من الجنات
فيها الشد والضغط……………. والصراع حتى الممات
وخلتى وخلتك ………………….واتفرقوا الخالات
أديب وشاعر مهندس/ محمد عوض
13/8/2023