قصيده بعنوان ( سيبك يابه من الغربه)
سيبك يابه من التلفون
وتعالي نلعب شويه
نفسي تكون معاي علي طول
وسيبك من الغربه ديه
نخدلنا صوره للذكره
وانا نايم ف أحضانك
تظهر فيها ِسِنتنا
ما احلي بيض سنانك
ونقول يامه تعالي
نخدلنا صوره مع بعض
واخدكم يابه ف أحضاني
ونعيش الفرحه مع بعض
ما احلي الصوره وانت فيها
لما تكون علي فرشتنا
ما احلي الدنيا وانت فيها
يا اجمل ورده ف بيتنا
عارف يابه وانت بعيد
فرش الهنا بيتلم
مفيش يابه جاي جديد
وايامنا كلها غم
ونعد ف ايامنا الطويله
يوم ورا يوم
ايام كتيره جاتها نيله
ضلمه من غير نور
عارف يابه جيتك عيد
وأمي بتبقي عروسه
دمها بيجري من جديد
عروسه ناقصه الكوشه
وخدودها بتبقي ورد
واللبس أشكال وألوان
ورووود مرسومه ع الخد
هنيالك يا مان
سيبك يابه من الغربه
وتعالي نعيش شويه
غربتك يابه دي تربه
بتموت الضحكه فيا
شاعر العاميه
نبض الصعيد الجواني
خليفه الابنودي
ادهم السمهودي
خاص بالنصوص المميزة
D. Hodaaabdo 
أضف تعليق