جرح بجرح
كلمات ………..
………….أيمن البكري
جرح بجرح هجرح
وهدوس وهبيع بجد
أنا جأي النهارده أدمر وأهد
زمان سمعت مثل
إن إللى عمل مقالش
وأنا دلوقتي راجع
أخد حقي وش
بتقولي عني
كلام محصلش ليه
بتقولي هو إللى باعني
والعيش والملح إللى بينا
ماعملش حساب ليه
كدابه فى أصل وشك
والكدب ماليكي
ومهما حاولتي تخبي
بتفضحك عنيكي
أنا إللى ضيعت حياتي
وعمري كله عليكي
وإنت, إللى بعتي
ومطمرش فيكي
وبعد سنين طويله
فى الحب والهوا
وحلفنا كتير لبعض
هنكمل سوا
لقيتك بتقوليلي
أنا خدت قراري
صعب تكون إنت إختياري
ياريت تفهمنى صح
وتقبل إعتذاري
ودلوقتي راجعه
بعد ما أحلامك طلعت فاشوش
وعرفتي إن مش كل حاجه الفلوس
فاكره إن لسه فيا قلب
وعيون تقدر تشوف
بعد ما بعدتي عني
الدنيا جأت عليا
وكسرتني الظروف
ولازم زي ماهديتي عمري
أخلي كل إل جاي
ف حياتك كابوس
خاص بالنصوص المميزة
D. Hodaaabdo 
أضف تعليق