كتبت الشعر ميش لجل المباهه
وكسب المال او شهره وتعجيز
حروف اهل الادب واهل البداهه
ولا السبعه البحور اجره وانجيز
لمن جاء باالتحدي والعجاهه
يضن القافيه وجبه في الميز
لكي يمدح بها اصحاب الوجاهه
وباالصفحه ينال اعجاب وتنكيز
صحيح وضفت باالنص الفكاهه
ولي هاجس على استقطاب وترميز
اذا شاف الهدف قاس اتجاهه
وجهز دعم لوجستي وتعزيز
قريني مااقترن بااهل المتاهه
ولا يقبل بنفس الوقت تقزيز
ولائه للوطن عزه وجاهه
ذكاء خبره كفاءه صح تركيز
يشل الحرف لا تم اشتباهه
إلى الحربي مكلبش كاالمداليز
وغير الحق ما تنطق شفاهه
ولا يبحث على منصب وتحفيز
ولا الباطل لفت حتى انتباهه
ويحمل حقد ضد احد وتحويز
احب العيش في ضل النزاهه
وتحت الذل لا يبقى ولا- – –
مصاف القبر عنوان الرفاهه
وعند الحر موت العز تبريز
فكيف انصاع إلى اصحاب التفاهه
وانا اعطيت الكرامه كل تمييز
برغم المكرهه لااهل السفاهه
ضميري حي مااتئثر بتبويز
ولا لي باالتراجع والمواهه
علاقه او صفه بااعداد وتجهيز
على دين النصيحه والمناهه
اطرز حرفي المفحوص تطريز
وابروز نص مايقبل مكاهه
تراث يلقاء زخم شعبي وتكنيز
🇾🇪🇾🇪🇾🇪🇾🇪🇾🇪🇾🇪🇾🇪🇾🇪🇾🇪🇾🇪
✍ ابوشامخ فضل الدروبي
خاص بالنصوص المميزة
D. Hodaaabdo 
أضف تعليق