ملهمه
بعشق عنيها
وهيه باصَّه يا خلق ليا
وبدوب كده
لو حتى سارحه مسهمه
بسمع كلامها وهمس روحها
وهيه ساكته
وبعيش معاها ف دنيا تانيه
لو بالغرام متكلمه
دي كمان ايديها لو من بعيد
بحس بيها حنينه
وبيبقى يومي ساعتها عيد
لو كت عليا مسلمه
دايما شذاها وعطرها
بيفوح كده
لو حتى كانت مش هنا
وان هل طيفها غطى المكان
ريحة الورود ويا الريحان
ومعاه عبير جاى م السما
دي هيه ليا نور عنيا
مابشوفشي من غيرها انا
انوار وضي هالين عليا
وإن غايبه عني
بلقى الحياه دي مضلمه
دي العين عليها ودايبه فيها
لو حتى عدت ميت سنه
والقلب دق وحس بيها
والروح اليها مسلمه
هيه اللي جاي ويا اللي فات
والذكريات هيه المنى
ع الارض منها مفيش يا ناس
دي ملاك ونازل م السما
ملهمه
بقلمي/ خالد جمال ١٦/١١/٢٠٢٣
خاص بالنصوص المميزة
D. Hodaaabdo 
أضف تعليق