تخاريف البينج (660)
……………….
كده عدى العمر بيها فجأه
بين فرح وحزن
فاقت من البنج شافت أخوها
وخالتها ولمياء مرات أبوها
ومفنجله عينها
بتتلفت على جوزها تبص
سألت على جوزها
ملوش صوره وغيابه له عذر
ما يجوزش عليه غير الرحمه
إتبرع ليكي إداكي قلبه
وقت العمليه مات فيها
لتعيشي يا زوز
مش ممكن أبدا مش ممكن
يا حبيبي يا حوس
ساعتين ودموعها ما نشفتشي
من الحزن ترص
حمدالله على سلامتك طبعا
لوزك كات جدا ملتهبه
ولازمنا نقص
جوزك فى الطرقه
بيتعاكس
ولا سايب ولا واحده تعدي
من غير ما يبص
تخاريف البنج ماتتصدق
ولا زوج ولا نص
في عمر العشرين البنوته
وده مين ده الحوس
ده قط شيرازي بتحبه
وبحنانها تخص
بقلم .. صبري رسلان
خاص بالنصوص المميزة
D. Hodaaabdo 
أضف تعليق