وهى دُنِيا
وهى دُنِيا وعَايِشِينها
وفَاضل أد إيه منها دا ربك هو إللى عَالمها
ويِمكن تَانى نِتقابل وبعد فراق
ويِمكن دا نِهايتها

وهُونت عليكِ  وهَان إللى كان بنا
بِعدنا خلاص وتُوهنا  وتَاه الطريق منا
وشوفى أنا وإنتِ وكل واحد منا فى طريق
نقابل ناس ونتكلم  بدون إحساس
وسَامعنهم ومش سَامعين
وعارفنهم  لكن نَاسِين

ونمشى فى شوارع كنا مِشيناها لكن تَايهين
وكل إللى فاكرينه هنا قَعدنا
ودى شَجره ودى جينينه
وكان فيه هنا ورده وليه ديبلت
ودا  الركن إللى كان بيتنا

هنا  وقفنا وفى إديكي كانت رسمه
وقولتيلي دا قلبي ودا حرف من إسمك
ودا حرف من إسمي

وليه ومش عارف أقولك إيه
وليه قولتي أنا فرحه ومش كامله
وليه قولتي على نفسك
أنا حَاسه ما هياش  تَامه

ولما كُنت بأسِمعلك أقوم أضحك
وأحِكيلك  على بكره وأحلامنا
ومش عارف ومش فاهم 
ومين قالك  على فُرقنا
ومين قالك  ح تنسيني
ومين أساكي  وخلاكي
نسيتيني إللى  كان بنه

         شعر
على أبو السعود