#نصيحة للعفيفات
_____________

اختي صديقتي أو حتي بنتي

وإنت ياقريبتي و يا بعيدة عني

اسمعوا يابنات عفيفات

كلمة قبل فوات لأوان

لما تلاقوا أي كلمة حلوة

من شباب عاملاها غنوة

اعرفوا يابنات دي خلوة

لوكلامكم كان علي شات

لو لاقتيه في يوم يعاكسك

أو يشاغلك أو يخايلك

اعرفي انك في عينه

أرخص من كل البنات

اوعي تفرحي بأي كلمة

تثير غريزتك أو لكلمة

تخرجك يوم عن حياء

والله إنت حتي عنده

مش شايفك بقلبه وعقله

ولا في عنيه غير نزوات

لو كنت صحيح ولثانية

غالية عنده ليكي مقام

كان من نفسه حافظ عليكي

كان يروح يطلب ايديكي

من أهلك أو من الجيران

وآه يا خوفي لو كنتي

متزوجة يبقي النهايات

تسقطي من عينه روحتي

مش شايفك غير نفايات

حتي لو في يوم وحبك

قولي روح لزوجي أوام

واطلبني منه وشوفني

غالية عنده ازاي وبكام

زوجي دافع مهر لأهلي

وراح لبيتي تعب ويبني

وإنت بسهولة تشاغلني

رخيصة في عنيك السخام

روح يا شيخ إن شاالله تلقي

زوجتك وبنتك بنفس المكان

يتعاكسوا من خيبة مثلك

خليت نساء الكون خائنات

لما تلقي زوجتك دي خاينة

ليك راح تفوء وأوام

لكن بعد خسرانك وزلة

وفضيحتك في كل مكان

طب وليه ما تعقل يا نغة

قبل ما تلقي أي عقبات

أي فعل مردود لك بدقة

من خير لك أو شر بالذات

ياللا كلنا وفي ثانيه واحده

نرجع قبل فوات لآوان

ننهي كلام في شات وخلوة

الدنيا فانية ياولاد يا بنات

ودي نصيحتي لأولاد جيلنا

ابعدوا عن أي شبهات

واصبروا تلقوا عفيفات

من زوجات وانتوا يابنات

تلقوا إللي يصونكوا لذاتكوا

مش نزوة أو أي شهوات
_____________

بقلم 🖊️ الأديبة الصحفية غزاله عطيه