ياروح الروح
***********
ياروح الروح كلمه وقالها غزاوي
روحى وروحك فدا وطنى ماتساوي
ياروح الروح حروف لجروح بتداوي
بكل صمود بكل شموخ تحية لكل حمساوي
ياروح الروح ياوردايه ياقمرايه
ياروح الروح يا نبضي الحى جوايه
يا أمى وابويه يا نبع حنان كده معايه
يافرحى وعيدى يانبض وريدى وحشايه
يا وطن صامد بلا نهايه
يا دم شهيد بيحكى تاريخ وروايه
ياروح الروح ياغصن زتون يادلوعه
ياروح الروح تتدون كموسوعه
كلمه بميت معنى تنفع للطرب مغنى
هقولها متين مره
تعيشى يافلسطين حره
ياروح الروح لللي يفهمها.تراث هايعيش
ياروح الروح تتكتب قواميس
ياروح الروح تتدرس حتى للتلاميذ
ياروح الروح بقولها وكل الدنيا سمعانى
ياروح الروح اقولها واعيدها كمان تانى
ياكل العرب يا اخوانى لخلانى
ليه سبتونى وحداني
ياروح الروح شهيدة على صدرى بناديها
بتمنى الروح ترجع قوام فيها
احاكيها وأشجيها.يارب احييها وخليها
والمس خدها بيدى.تضحكلى وحشتنى جدى
قومى ياله بقا اصحى وللكلام اصغى
وعند المولى ماتنسى.هناك تحكى
عن غزه عن الشهده عن الخزلان عن الخسه
ان كان فيه ذرة حنان لسه
وعند ما يسئلك ربى عن الأوطان
عن اللي خان قولى ولاتخبى
وايه زنبى يسيل دمى.وايه جنيتى ودى حكيتى
وكيف القصف طال اهلى
مابين انقاض تحت ركام
وجوع أطفال وبطش حصار
ووصمة عار على اللي صار من بنى جلدى
ياروح الروح يمكن تكون صرخة
تصحى قلوب ماتت من القسوه
ان كان لسه فى العرب نخوه
مع اننا اخوه.مع اننا اخوه

بقلم ناصر المنوراتي