جواك شئ مخبي؟
انت جواك شئ مخبى
نفسى اعرف ايه يكون
رغم انك جوه قلبى
ليه ساعات القاك تخون
تنسى اشواقى وحبى
تملا قلبك بالظنون
ابقى جنبك وانت جنبى
عشقى ليك شئ م الجنون
فجأه تغضب والقاك تثور
بعد حاله من السكون
انت ليه ماعندكش مبدأ
كل يوم القاك ف حاله
قلبى شافك يومها صدق
قال ف بعدك استحاله
لوعرفت اللى ف خيالك
واللى شاغلك ومداريه
يمكن اعطف يوم لحالك
مهما كان اللى انت فيه
قلبى لو تعرف .. دعالك
انك انت تحن ليه
وانسى انك يوم تسيبه او تفكر تهجره
ده انت ليه وانت حبيبه
بس أشر وأأمره
سيد الحلوانى
خاص بالنصوص المميزة
D. Hodaaabdo 
أضف تعليق