قصيدة 🎤
     ⚠️ إنذار مش زار 🥁
     🤔عامية مصرية 😏
بقلمي ✒️ أشرف محمد السيد

⚠️”””””””⚠️””””””””⚠️”””””⚠️

ولول وإندب ليل و نهار
برر   خيبتك    بالاعذار
إدي الظالم أرضك ، قوتك
وإرسم صورة بوش حمار 🤔
⚠️
سيب الدنيا  تلطش فينا
نام و إتذل و قول أقدار
حُب وعِشق خيبة تقيلة
وإبني حضارتك بالأشعار 🤔
⚠️
إسرح وإحلم ، جنس ولحمة
إنت ف جنة و هما ف نار
الإسلام مش نوم و دعاوى
غيري يموت ونعيش أحرار 🤔
⚠️
فقر وغٌلب و دقن و شيشة
ننسي عقول ونقول أسحار
نرجع   لما  القطر    يفوتنا
والخوازيق عملوها  منبار🤔
⚠️
إنسي تاريخك وإعمل خطوة
إعمل  نهضة  و  إستثمار
إرمي قُرونك وإلبس خوذة
ليه هتعيش دايما محتار 🤔
⚠️
شوف ببصيرة وهِمة وغِيرة
لما    تحاور    أو   تختار
النصاب متداري ف خيبتك
فقر و موت و تزيد أسعار 🤔
⚠️
إزرع وإقلع ذاكر و إنجح
ربك      عالم    بالأسرار
إحنا ف حالة كئيبة عجيبة
ليه الليل طالع  ف  نهار 🤔
⚠️
ليه بالصبر نداوي جروحنا
ونقول بكرة نموت أحرار
يا إبني الدنيا بتدي الشاطر
وإللي بيسرق كلب و غار 🤔
⚠️
إللي بيفهم لازم يصحي
أصل النوم للموت إنذار
سِن سنانك وإفرض هيبتك
ناضل وإقطع بالمنشار
بالاعذار هتدنك تندم
مش هيروح عفريت بالزار🤔

⚠️😏⚠️😏⚠️😏⚠️😏
بقلمي ✒️
              أشرف محمد السيد