يالا بينا نرقص
يالا بينا نرقص علي صوت دقات قلبي وقلبك
خدني بين أحضانك ضمني جامد قربني منك
أنا قلبي الليلة من فرحته طاير علشان هنا جنبك
بيرقص ويغني مبسوط وسعيد و متهني بقربك
ضمني وأحضني وتعالي نغني أنشودة حبي وحبك
قولي أحلي كلام فالحب سمعني نبض قلبي وقلبك
الليلة معاك ياحبيبي هتكون دي ليلة عمري وعمرك
راح تفضل فيها هنا ويايا وأنا هبقي فيها لك وحدك
نرقص ونغني ونعيش أسعد أوقات فرحي وفرحك
ونقول للدنيا سبينا شوية خلينا ننسي همي وهمك
معقولة الليلة أنا بين أحضانك برقص وبغني وبضحك
خايفة أكون بحلم وكل اللي أنا شايفاه يكون صورتك
بس أزاي وأحنا بنرقص علي صوت دقات قلبي وقلبك
والمزيكا معانا بترقص وتغني أنشودة حبي وحبك
كلمات/ أدهم عمر
خاص بالنصوص المميزة
D. Hodaaabdo 
أضف تعليق