بنت الاصول
بنت الاصول معروفه
من الجدود
باقولك ياابني
خد بنت الناس
اللي اصلها طيب
اللي تصونك
وتصون عرضك
خد الشبعانه من
دار ابوها حتي
ولو فقير.
الفقر ياولدي مش
عيب بس من بيت اصول
الدنيا ياولدي. مش
كله غني ومعاه فلوس
ممكن تلاقي اللي معاه
فلوس  قليل الاصل
وعلي الفلوس حريص
ومش كل المعاه فلوس
يبقي ابن اصوال
ياما ناس بقت معها
فلوس لكن في الاصل
معرفين هما كانوا ايه
وقبل ماتناسب ياولدي
حاسب من بيت طيب
ودور علي المليحة
تعيش ع الحلوة والمره
وتعمر بيتك وسر البيت
يبقي في دارها مايطلع للغير
حتي لو دار عليها الزمن
لا تشتكي من عطش ولاجوع
ماانت عالم ياولدي الزمن اللي انتو فيه
واسال علي امها من قبلها
ماالبنت لو تميل تبقي الام قبلها
واو انت غاوي النسب قوم
واسال علي العائلات
ونقي لولدك خال زين
واستنضف العائلات
  واوصيك ياابني ان تسال
عن الخال وبعد الخال اب ليها
وما دور علي الشكل الجميل
دور ياولدي علي الادب والاخلاق
دور علي تعيش معها سعيد
وتملي دارك فرح وسعادة
واسال عن الدار اللي فيه اسود
اللي تعرف تربي وتصون
وخد ام عين مليانه
تعيش معاك حتي لو الزمن
دار عليك
يارب ارزق كل الشباب
بالزوجات الصالحات
ومنهم ولادي يارب
$$$$$$$$$$$$$$
بقلمي /نور الهدى