حب زمان
عدت عليا صعبت عليا
بقالى سنة مشفتهاش
اللى باعتنى زمان علشانه ضحك عليها
وجوا العين مشلهاش
وعود كدابة كانت خداعة
ضحك عليها محققهاش
ماشية ياعينى باين عليها
الحزن ماليها معرفتهاش
مش هيا دى قمر الزمان
اللى كانت بتنور أى مكان
ضاعت منها بسمتها
ولا صوت ضحكتها كان بيهز المكان
ماشية مكسورة عينيها محبوس
فيها الدموع…لما شافتني صعبت عليا
نزلت من عينيا دموع
منا قلبى لسة بيدق ليها
واعمل إيه أنا فيها..باعتنى زمان
ومعجبهاش المكان وحسستنى
إنى أنا مش قد المقام
جريت ورا اوهامها زمان
واختارت مكان غير المكان
ضحك عليها الزمان
راجعة ندمانة وحاسس
إنها جت تانى للمكان
وبعدين معاك يا قلبى بتقولي طبطب عليها…. وبسرعة خد بايديها
جه الوقت اللي محتاجة فيه
وإنتا لازم تسامح بايدك إيه
أنسى أى كلام تانى يقولو
الناس عليه…امشى ورا قلبك
اللى لسة بيدق ليه وسهر ليالى
بيبكى عليه دنتا ياما عنيك
بكت بحور عليه…مهما كان
دا حبيبك اللى كانت روحك فيه
بقلمى الصياد محمد يارب تنال اعجابكم تحياتي وتقديري للجميع
خاص بالنصوص المميزة
D. Hodaaabdo 
أضف تعليق