*** الله ع الحب ***

الله عل الحب وجماله

في الدنيا يا ناس ما في مثاله

بيفتح في القلب وروده

وربيعه ييجي قبل أوانه

يا احلى قلب انا عشقته

يا أرق احساس فيا لمسته

يا أجمل ضحكة في الدنيا

ما شوفت جمالك ولا وصفه

بقولك تاني يا ساحراني

دا حبك نبض ف شرياني

ونبضه بيسري ف وجداني

عيونك بحر أشواق وحنين

بيرويني سنين وسنين

ولو فارقت شطك يوم

أشوف صورتك ساكنة العين

كفاية بحس روحي معاك

تائهة فيك وعاشقة ضياك

يونسني في ليل البعد

لحد ما ييجي يوم وألقاك

وأقولك ع اللي حسيته

وشوق جوايا خبيته

بداري فيه ولا تعرف

ان عمري بيك انا لقيته

*************************

بقلم / مصطفى كرم