العين بتكرة اللى أحسن منها
×××××××××××××××××
كلام موزون وبالدمع شجون
العين بتكرة اللى أحسن منها
وعمرها في يوم ما رحمت حالها
وعملنا كل خير وقدمنا للناس
وفى الأخر نكرونا ونكروا خيرنا
سيبك وأرمى وطَوح وراك
ولا تسأل في يوم تانى عنهم
وبلاش تَفتح في المقفول
للريحة تطلع علينا وتخنقنا
واللى شَربته فى يوم العسل
أسقية الحنظل ومره وبكفاية
الأصيل بيخدم كل الناس
والخسيس طول عمره هلاس
لو شفت فى يوم عيبك
عمرك ما ح تعيب فى غيرك
وواسى نفسك فى مآسيك
محدش فى يوم ح يحس بيك
قلبى أبيض من حليب الضرع
بس عمرى ماأنسى خسيس الطبع
اللى كنت بتعامل معاه بصدق وأمان
فلابد للحق فى يوم يرجع كما تدين تدان
أتصدمنا في ناس كنا فاكرين أننا غالين
وهما اللى ضربونا بالظهر عارفين وقاصدين
أفهم وكبر دماغك وبلاش تجادل من الأساس
وناس مظاهر وصور وألوان والغل مٍدارى وراهم
ماتندم لخير عملته… دة طبع فيك بيعكس أصلك
والخسيس طبع فية هو كمان بيعكس أصله
أديب وشاعر مهندس /محمد عوض
19/8/2023