البيضه والسمره

هاموت على الاتنين
البيضه والسمره

دي واحده شادَّه العين
بخدود يا ناس حمره

والسمره سحر دفين
شفايفها كالجمره

البيضه باهيه وزين
وعيونها دي مؤامره

تتوه معاها سنين
تِسكِر كما الخمره

دي حالمه ناعمه حرير
وغرامها ده مغامره

والسمره مالها مثيل
برموش يا ناس قادره

قوامها غصن يميل
رقتها حاجه نادره

ده اللي ف جمالها قليل
جمال يا ناس طفره

عشقتهم الاتنين
ولا فارقه بالمرة

قلبي يعيشها يومين
يوم بيضه يوم سمره

او يقسموه نصين
بلاخوف ولا مخاطره

دي البيضه عود باسمين
والسمره نار حمره

بقلمي/ خالد جمال ٢٦/٨/٢٠٢٣