( كلمات مأثورة بالعمل )

( جيت هنا
حاسس إني سيد الناس كلها
لقيت أصغر عيل بقوله ياسيدي )

( قلت أشتغل كتير يمكن أخد حقي
أخدت بالكوسة حقي وزيادة )

( الشطارة لما تشتري ورقة أجازة
الغباوة لما تقول كل الحقيقة )

( إشتغلت بذمة ضيعت وقتي
عملت زي الناس ماخدتش دقيقة )

( حلمت يوم إني بقيت ريس
صحيت / لقيت نفسي سيرفس )

( إشتريت كل الناس بالماس
إشتروني هما بصفيح )

( كتبت على باب التاريخ أصلي
قفل التاريخ بابه )

( سقفت بإيدي شالوني إتنين
بطلت أسقف رموني )

( قالولي: تاخد أكشن يعني؟
تدخل مكتب المدير تسمع كويس وتقول حاضر
وبره المكتب ماتعملش حاجه )

( قلت: لصاحبي بمفهومك الشغل كده غلط
قالي: ولو صح؟  إحنا جايين ليه )

( رحت لصاحبي أقوله آسف رد قالي؟  
قولها تاني )

( دخلت صندوق الزمالة دفعت دم قلبي خرجت منه كسبت كتير )

( عشت للناس ضيعت حقي
حليت مشاكل الناس زادت مشاكلي )

( إشتغلت لحام
شلت ترانس لحام وخراطيم لمبة قطعية وصاروخ
إشتغلت ميكانيكي شلت مفتاح فرنساوي )

( قالي: إنت آخرك سواق بنسة
قلت على كده الحمار فنان؟ )

( كنت بره دكتور جيت هنا ناقص الدال والكاف )

( قالولي: ماعنديش ضمير ولما بعتو؟   كرموني )

( سألوني على الخوزة ونسيوا إني لابس شبشب )

(شلت الحديد إتقطم ضهري طلبت الفوركلفت؟   شلني )

( عدلت في الصايدجايد كتبوا عليه إسمي
وبعد سنتين؟  رمووووه )

( ركبت الزمن عشان ألحق شغلي لما عرفوا طيروني )

( سيبك من ضميرك الفساد الحقيقي لما تدمر ضمير غيرك )

( كان نفسي أعرف إن ليا دور مهم معرفتش غير لما نمت وعملت غياب )

( بدلة الشغل إتقطعت رحت أغيرها قالولي: الزراير تعيش كتير )

( فكرت كتير شعري شاب بطلت أفكر إسمر تاني )

( رحت للدكتور أشكيله حالي نصحني ببرشامة كيتوفان )

( سيد الناس خادمهم وخادم الناس يستاهل )

( عشت العمر كله أطالب بحقى ولما ضاع إستريحت )

كلمات :
حربي علي
شاعرالسويس