إسمعها منى نصيحة
××××××××××××
اِسمعها مني نصيحة…………. دنا بخاف عليك وبحبك
لما الدنيا تيجي عليك والعيشة تبقى مُرَّة من حواليك
اِوعاك تزعل ما انت ياما كنت في حياتك
ربنا  مديك من فضله ومراضيك
ولو اُتخنقت من الكوكب اللي عايش فيه ونمت تنهنه والدموع في عينيك
فربك هو اللي بيجَري الدمع  جوة عينيك
عشان تعرف إن العسر بيجي بعده يسر والخير جاي بأذنه بين إيديك
ولو زمانك ظلمك فاُصبر واُسأل ربك يوفقك بدعوة من والديك
وأكيد ربك حيملى قلبك بالصبر عشان عاوز يرضيك
ولو حاربوك  كل الناس وأنت مع ربك متخفش فهو برحمته حاميك
اِوعاك تذل نفسك وعيش دايما رافع راسك وسيبك من اللي عاوز يذل فيك
واُعرف أن ليك رب كريم بيغير سواد ليلك لنور فجرك
وإن خانك صحبك وقابل وفائك بسم نار غدره
متبكيش عليه بكرة الدنيا تبكيه هو على بعدك
وخلِّى بالك لو غدرت بيك المصايب وممكن  تبانلك إنها صافيالك
ياما كتير كانوا أغنية ولبسوا توب الفقر فأحفظ دايما يا حبيبي  قرشك
وياما ناس عندهم أملاك كتيرة بس البخل طبع فيهم فخلِّى بالك ياحبيبي من طبعك
اِوعاك تنسى إنك رايح في يوم تعيش لوحدك فى  قبرك
واُعرف إن الدنيا فانية فاُعمل دايما لأولك وآخرك
واُدعوا ربك كل يوم  وما يضعش من أجرك وصبرك
واُعرف أن ليك رب كريم بيغير سواد ليلك لنور فجرك
اِسمعها  مني نصيحة ……….دنا بخاف عليك وبحبك
أديب وشاعر مهندس/ محمد عوض
4/8/2024